फेसबुक चाट

संध्याकाळचे ७.३० वाजले आहेत.
मी ऑफीसमधून घरी येऊन लॅपटॉप उघडतो आणि फेसबुक लॉग-इन करतो.

पाहतो तर ४ नवीन फ्रेंड रिक्वेस्ट्स, ६ मेसेजेस, ४५ नोटीफिकेशन्स आणि २५ जन ऑनलाइन !

माझ्या भिंतीवरचे अपडेट्स पाहायला सुरूवात करणार तोच...

प्राची: हा....य!!
मी: हेल्लो...!
प्राची: कसा आहेस? (नेहमीचाच प्रश्न- काही जणांच्या फेसबुक प्रोफाइल मध्ये हा डिफॉल्ट चॅट सेव झालाय का?)
मी: एकदम मजेत...तू कशी आहेस?
प्राची: आहेस कुठे तू? भेटत नाही, फोन पण नाही.
मी: कामं आहेत ग...बिझी असतो आजकाल [:P]
प्राची: माझ्यासाठी पण वेळ नाहीये का?
मी: तो कसा नसेन...उलट तू ऑफीस सोडल्यापासून बोर होतंय ऑफीसमध्ये...[;)]
प्राची: खरंच?

अनघा: हाय स्वीटहार्ट....:) 
मी: हाय डियर... :) (अजुन एक आली!) 
अनघा: कसा आहेस ? [:P] 
मी: एकदम मजेत (पुन्हा तेच...!) 
अनघा: मला वाटले विसरलास मला...:( 
मी: शक्य आहे का ते ? [:D] 
अनघा: काय करतोस सध्या? कॉलेज मधले फ्रेण्ड्स भेटतात का कोणी? 
मी: तुझ्याखेरीज कोणीच नाही...तुलाच तेवढी आठवण होते माझी [;)] 

प्राची: हेल्लो...कुठे हरवलास...? 
मी: अग इथेच आहे...म्हणजे हरवलो होतो तुझ्या स्वप्नात (!) 
प्राची: हो का? जागेपनी स्वप्न पाहु नयेत अशी...
मी: मग झोपायला जातो मी...[:P] 
प्राची: ए...थांब रे...बर सध्या काय करतोयस मग...? 
मी: तुझाच विचार करतोय...[!] 

अनघा: कसला विचार करतोयस...? 
मी: तुझाच विचार करतोय...[!!] 
अनघा: मला वाटले गेलास... 
मी: तुला न सांगता कसा जाईन बरे...? 

प्राची: त्यापेक्षा कामाचा विचार कर... 
मी: ( तू अर्धवट टाकून गेलेल्या....?) ते तर करेनच... 

अनघा: सन्डे ला काय करतोयस? मूवीला जाऊया? 
मी: चालेल... 
अनघा: मी वाशीला येणार आहे एका मैत्रिणीकडे...संध्याकाळी भेटू... 
मी: चालेल... 
अनघा: आणि मला शॉपिंग पण करायची आहे नंतर 
मी: (अरे देवा) चालेल... 

प्राची: काय? 
मी: काय? 
प्राची: आता काय? 
मी: कामाचा विचार करतोय! 

केतकी: हाइइइई.........:) 
मी: हाय डियर....( ही एक अजुन आली...) 
केतकी: हाउझ यु? 
मी: F9... 

केतकी likes your profile pic

मी: थॅंक्स 
केतकी: छान आहे... 
मी: थॅंक्स [;)] 
केतकी: तुझी त्या दिवशीची कविता पण मस्त होती... 
.
.
.
.

प्राची/ अनघा: अजुन कोणी आहे का चॅटवर...? 
मी: नाही ग...नेट स्लो आहे.... 

प्राची: बोर होतंय यार... 
मी: तेच ना....[:o] 
प्राची: कधी भेटतोयस मग? 
मी: तू बोलशील तेव्हा...आता येऊ ? (हो बोलू नकोस फक्त) 
प्राची: आता कुठे? त्यापेक्षा सन्डेला भेटू...
.
.
.
.

मी: आवडली तुला ? 
केतकी: हो...कोणासाठी केली आहे? 
मी: [तुझ्याचसाठी!] अशीच केली...कुणाला स्पेशली डेडिकेट नाही केली. 

अमित: नमस्कार... 
मी: ( हा कुठून टपकला आता?) बोला साहेब...! 
अमित: काय चाललाय राव? 
मी: तुझ्यासाठी वहिनी शोधतोय...! 
अमित: अजुन? 
.
.
.
.


मी and प्रियांका जोशी are friends now

अनघा: ही प्रियांका कोण रे? 
मी: नवीन गर्लफ्रेंड... 
अनघा: तुझी? 
मी: नाही ग...अभीची... 
अनघा: हो...? स्वातीशी ब्रेक-अप झाले त्याचे? 
मी: असेल...फेसबुक वर काही दिवस सिंगल होता तो... 

मी: सन्डेला नको...फॅमिलीबरोबर बाहेर चाललोय... 
प्राची: मग कधी...? 
मी: शनिवारी भेटू ना...मी ठाण्याला येणार आहे काही कामासाठी...ऑफीस सुटल्यावर भेटू! 
प्राची: ग्रेट...! 
मी: आहेच मी...[;)] 

अमित: आम्हाला शोधा की एखादी...? 
मी: वहिनी का गर्लफ्रेंड ? 
अमित: ते सोड...अरे...माझ्यासाठी जॉब शोधनार होतास ना रे... 
मी: प्रयत्न चालू आहेत... 

केतकी: आपण नेहमी ऑनलाइनच भेटतो ना...कधी भेटूया ना वेळ काढून 
मी: ह्म.... 

अनघा: अभीची कितवी गर्लफ्रेंड असेल रे ही...? 
मी: (तुला काय करायचेय त्याचे?) मला काय करायचेय त्याचे...? 
अनघा: पक्का फ्लर्ट आहे तो... 
मी: (माझ्यापेक्षा कमीच) हो ना....पण मी तसा नाहीये.... 
अनघा: माहितीये मला... 

बराच वेळ विचार करून....

केतकी: एक विचारू ? 
मी: (पडली वाटते प्रेमात !) काय ? 
केतकी: तुला गर्लफ्रेंड आहे? 
मी: दोन आहेत ! [:D :D :D ] ( कधी नाही ते खरे बोललो...!) 
केतकी: [:( :( :( ]मी सीरियसली विचारतेय... 
मी: मी मस्करीत बोलतोय!! 
केतकी: मग सांग ना खरे काय ते...? 
मी: आय अम सिंगल [इश्श्य!] 

अमित: लवकर दे ना यार...इथे कंटाळा आलाय पार.... 
मी: मग मी काय करू?

अमित: जॉब दे ना यार...
मी: जास्त डोकं नको खाऊस...(निघ आता) 


प्राची/ अनघा: परत गायब? 
मी: {जास्त डोक नको खाऊस...निघ आता} लॅपटॉप हॅंग होतोय...(ओवरलोड होतोय...!) 

केतकी: मग काय विचार आहे? 
मी: बघुया कोणी भेटतेय का? 

अमित: अरे तुझ्याशिवाय कोण मदत करणार यार? 
मी: (साईन आउट हो.....)??? 

(ह्या अम्याच्या प्रोफाइल मध्ये ही 'नेहा साने' कोण? सीम्स इंट्रेस्टिंग...! गुड प्रोफाइल)

मी: अरे देतो रे...टेन्शन नको घेऊ... 

मी: ओके मी निघतो आता... 
मी: ओके मी निघतो आता... 

सोनल: हाय....! 

मी: तुला नाही का बॉयफ्रेंड...? 
केतकी: ना...अजुन कोणी आवडलाच नाही 
मी: मिळाल्यावर सांग मला... 
केतकी: नक्की... 

अनघा: चाललास पण? ओके...पण सन्डेचे नक्की! 
मी: नक्की... 

प्राची: ठीक आहे...मिस मी ओके... 
मी: नक्की... 

सोनल: आहेस का रे..? 
मी: ( )

अमित: थॅंक्स यार...तू ही तो मेरा दोस्त है... 
मी: आय नो.... 

अनघा: लव यु...मिस यु <3 
मी: लव यु अनु <3 

मी: लव यु अनु <3 
प्राची: अनु? 
मी: जानु...! जे राहिला लिहायचा...[:P] 
प्राची: अच्छा....लव यु...<3 

केतकी: (पुन्हा बराच वेळ विचार करून) बाय...टेक केअर...सी यु सून 
मी: लव यु.... 




माय फ्रेंड...:) 
केतकी: <3 

सोनल: ????? 
अमित: अरे ऐक ना...! 

मी फेसबुक साईन आउट करतो.

तळटीप: वरील सर्व नावे आणि व्यक्तिरेखा काल्पनिक आहेत आणि संभाषणातील मी म्हणजे 'वाचणारा मी' आहे 'लिहिणारा मी' नाही. 

Comments

  1. हा हा हा .. हे वाचताना एकदम चाट पडलो. ;-)

    ReplyDelete
  2. This is realistic expression of Facebook life! Fantastic!!

    ReplyDelete
  3. धन्यवाद सुझे....काय नशिबवान असतात काही लोक नै...!

    ReplyDelete
  4. धन्यवाद सविताताई...फेसबुक हे असेच आहे...

    ReplyDelete
  5. >> तळटीप: वरील सर्व नावे आणि व्यक्तिरेखा काल्पनिक आहेत आणि संभाषणातील मी म्हणजे 'वाचणारा मी' आहे 'लिहिणारा मी' नाही.

    असं असलं तरी आम्हाला दिसताना मात्र 'माझ्या मनातले काही : फेसबुक चाट' असंच दिसतंय. म्हणजे तुझ्या मनातलंच ;)

    ReplyDelete
  6. काल्पनिक असा टॅग दिलाय तो त्यासाठीच दिलाय...

    ReplyDelete
  7. तळटीप पटली नाही... बाकी उत्तम! :)

    ReplyDelete
  8. पटली नाही म्हणजे? तुलाही हेरंब सारखेच वाटते का ?

    ReplyDelete

Post a Comment

Popular posts from this blog

निषेध!निषेध!!

पाऊसगाणी

बालपणीचा खेळ सुखाचा